No pasado pleno do día 16 o
grupo municipal socialista presentou unha serie de mocións:
-Moción
sobre o Real Decreto- Lei 3/2012 de medidas urxentes para a reforma do mercado
laboral. Nela ínstase ao Goberno a presentar un proxecto de lei alternativo e
pactado cos axentes sociais e as forzas políticas que teña como obxectivo a
creación de emprego de calidade e a estabilidade no emprego.
Esta
moción foi rexeitada cos votos en contra do grupo de goberno do Partido Popular
e CENVAL.
-Moción
sobre a igualdade, promoción e defensa dos dereitos da muller.
Esta
moción tamén foi rexeitada cos votos en contra do PP e CENVAL.
-Moción
solicitando que os plenos municipais se recollan por medios audiovisuais para a
súa difusión a través da páxina web co obxecto de achegar o pleno a todos os
veciños.
Esta
moción foi aprobada cos votos en contra de CENVAL e un membro do PP e
abstención do resto do Partido Popular incluido o señor alcalde quen tanto
pregoa coa súa transparencia.
-Moción co obxecto de servir como declaración
institucional do noso Concello de apoio ao sector naval. Porén, trasladou
directamente para a súa aprobación en Pleno o escrito do Comité de empresa de
Navantia que este trasladou na súa visita ao noso Concello o 8 de marzo.
Esta
moción foi aprobada por unanimidade.
-.
Como non podía ser doutro xeito, o PSdeG votou a favor da moción de UV e CG
para que o concello de Valdoviño busque financiación doutras administracións
para cubrir a piscina municipal de Lago. Proposta que fora xa presentada polo
PSdeG na anterior lexislatura cando o Concello de Valdoviño recibiu máis de 2
millóns de euros do goberno do estado do PSOE e que fora rexeitada polos
actuais concelleiros de CG e PP.
No
apartado de rogos e preguntas o grupo municipal socialista tratou diversos
temas entre os que destacan:
·
O PSdeG_PSOE rexeita no
pleno calquer peche do servizo de guardia das farmacias do noso concello. Non é
de recibo que os veciños de Valdoviño perdan un servizo tan importante e
necesario.
·
O PSdeG volve a solicitar, coma fixera no pleno de inicio do
curso escolar, que o concello proceda a sinalazar, por motivos de seguridade
vial, de forma axeitada a pista de acceso peonil ao CPI de Atios.
·
O PSdeG volveu a reclamar que se procedese a limpeza das parcelas
no ámbito da Porta do Sol.
·
O PSdeG volveu a reclamar o informe sobre o estado das obras
executadas no marco dos Plans Estatais (E)
No hay comentarios:
Publicar un comentario